Curtocircuíto celebrará o próximo xoves 10 de setembro ás 22h unha proxección especial en colaboración co festival WOSINC: Akounak Teggdalit Taha Tazoughai, de Mdou Moctar, primeiro filme da historia rodado en lingua tuareg. Moctar, protagonista do filme e expoñente principal do "blues do deserto", actuará tamén no Festival WOSINC. A entrada á proxección será libre até completar aforo e as invitacións poderanse recoller o mesmo día da proxección a partir das 20h.

Ver máis

NUMAX Distribución estrearemos LOS HONGOS (Oscar Ruiz Navia, 2014) o vindeiro venres 4 de setembro en salas españolas. Amais, en colaboración co Festival WOSINC, teremos unha preestrea no Cinema NUMAX o mércores 2 de setembro ás 20:00, ao que as persoas abonadas ao festival poderán asistir con tarifa reducida.

Ver máis

Zan Hoffman, punk crooner de Kentucky, estará de xira por Galicia co seu Bodycocktail e fai parada en NUMAX o mércores 5 de agosto ás 19:00 para presentarnos o primeiro episodio de Hórreo no espazo.

Ver máis

Co gallo da reestrea de El mundo sigue, actualmente na carteleira do Cinema NUMAX, aproveitamos para recuperar a minuciosa análise da filmografía de Fernando Fernán-Gómez que o catedrático José Luis Castro de Paz realizara para Ediciones Cátedra no ano 2010. Castro de Paz estará na nosa libraría presentando Fernando Fernán-Gómez o vindeiro venres 17 de xullo ás 18:00, xusto despois do pase diario de El mundo sigue que ese día terá lugar ás 16:00.

Ver máis

A libraría NUMAX acollerá este xoves 25 de xuño ás 20h a presentación do poemario O que precede a caída é branco de Oriana Méndez, gañador do XVII Premio de Poesía Concello de Carral. Estará acompañada da crítica literaria Ana Salgado e do poeta Gonzalo Hermo.

Ver máis

O xoves 18 de xuño ás 20h teremos na nosa libraría aos membros de Ataque Escampe para presentar, canda ao artista plástico Misha Bies Golas, Relatos americanos. Trátase dun libro en edición limitada (300 exemplares) que combina 36 láminas con colaxes de Misha Bies Golas con outros tantos textos coas historias on the road da banda compostelana. O proxecto vai acompañado por unha suite musical instrumental que se pode descargar cun código que se facilita no libro, e estará dispoñíbel a partir do mesmo 18 de xuño ao prezo de 15 euros.

Ver máis