FOTO: Denís Estévez
"Sexamos razoábeis e engadamos un oitavo día á semana dedicado exclusivamente a ler", dixo Lena Dunham. Non podemos estar máis de acordo con ela. Achégase o 23 de abril, Día do Libro, e para ese oitavo día queremos propoñervos unha serie de lecturas gorentosas coas que agasallar xente querida, empezando por vós!
Despois do Tac, Tac, Tac e do Fóra dos museos NUMAX coordina unha nova actividade que busca a inserción de investigacións e de procesos creativos dentro do seu espazo e coa vitrina instalada no espazo da libraría como punto de partida. Este ciclo comisariado por Ángel Calvo Ulloa busca o achegamento e o debate en relación a unhas prácticas que en ocasións ven debilitada a súa mensaxe como consecuencia dunha exposición entendida como un organismo inerte. O xoves 25 de abril ás 20:00 Calvo presentará o proxecto nun Episodio #0 xunto a Miguel Anxo Rodríguez, profesor de Historia da Arte na Universidade de Santiago de Compostela (USC).
Antes da proxección do filme de Jean-Marie Straub e Danièle Huillet, o músico Diego Ares interpretará ao vivo algunhas pezas do Caderno de Anna Magdalena Bach o vindeiro luns 15 de abril. Trátase dunha actividade enmarcada na cuarta edición do ciclo De lugares e órganos. Música e outras paisaxes de Compostela, dentro da sección «O órgano sae á rúa», que organiza a Concellaría de Acción Cultural do Concello de Santiago.
Faia Díaz Novo presenta o seu disco Ao cabo leirín, que poderemos escoitar na sala NUMAX nunha orixinal sesión de cinema para escoitar. A música de FAIA estará acompañada das videocreacións de Sara Traba os o venres 5 e sábado 6 de abril ás 19:55 e o domingo 7 ás 17:45. O venres 5, ademais, tras a audición, haberá unha posterior presentación na libraría.
Presentamos a variada programación do ciclo Os ollos verdes. O cinema inédito de NUMAX para os meses de abril e maio, con presentacións e coloquios (Valérie Massadian, Dora García) e unha interesantísima colaboración co Festival Americana. Ademais, os filmes do Foco Kenji Mizoguchi continúan a computar para a obtención de 1 crédito ECTS da USC.
Este venres 29 de marzo ás 20:00 preséntase na Libraría NUMAX a obra N-550. Da estrada á rúa. As urbanizacións. Participarán os coordinadores da obra Xulio Turnes Vieito e Ramón Viéitez Rodriguez e a fotógrafa Noemí Díaz.
