O poeta Ismael Ramos (Mazaricos, 1994) visita este xoves 31 de marzo ás 20:15 a Libraría NUMAX, para presentar o seu libro de poemas Os fillos da fame, co que vén de gañar o premio Johán Carballeira. No acto intervirán, ademais do autor, a poeta e investigadora Alba Cid e o subdirector de Edicións Xerais Fran Alonso. (Foto: Alba Cid)
O cineasta asturiano Ramón Lluís Bande achegarase o vindeiro sábado 2 de abril ás 11:30 ao Cinema NUMAX para impartir a clase maxistral Encontrar la película / La película encontrada, incluída na Aula «Os ollos verdes», na que afondará no seu proceso creativo. Ademais as proxeccións de El nome de los árboles do venres 1 e o sábado 2 abril ás 19:20, contarán coa presentación e coloquio co cineasta.
O 18 de marzo de 2015, logo de recibir a visita sorpresa do cineasta Aki Kaurismäki, que presentou en estrea internacional a nova copia do seu filme Nubes pasaxeiras, abriamos as portas do Cinema, Libraría e Laboratorio de NUMAX, S. Coop. Galega.
A cineasta, catedrática e académica Margarita Ledo Andión achegarase o xoves 25 de febreiro ás 20:30 á Libraría NUMAX para presentar a edición en formato libro-DVD do filme Manuel María: Eu son fala e terra desta miña terra, cuxo deseño correu a cargo do Laboratorio NUMAX. No acto de presentación intervirán, amais da propia autora, o escritor e editor Miguel Anxo Fernán Vello e o tamén escritor e cofundador de Nós Produtora Cinematografica, Nemesio Barxa.
O vindeiro luns 22 de febreiro ás 19:00 horas o Cinema NUMAX (R/ Concepción Arenal, 9) abre as súas portas ao profesorado de educación primaria, secundaria e bacharelato para convidalo a participar na presentación de «NUMAX na escola», un programa didáctico destinado a alumnado e corpo docente, que busca achegar o cinema aos centros de ensino a través dun catálogo de proxeccións e unidades didácticas deseñado para un público infantil e xuvenil.
O director e profesor de cinema Luis Aller inaugura a Aula «Os ollos verdes» de NUMAX co relatorio «A historia do cinema en 7 secuencias, 1 sombra e 1 travelling», no que afondará nos distintos elementos que interveñen na linguaxe cinematográfica. A Aula terá lugar o vindeiro sábado 20 de febreiro ás 11:30 e a entrada é de balde. O propio sábado, ás 20:10, Aller presentará o seu último filme, Transeúntes, en carteleira en NUMAX desde o 17 de febreiro.
