Julio, de dezanove anos, chega a Lisboa desde o campo a traballar de zapateiro para o seu tío Raúl. Axiña coñece a Ilda, unha moza do servizo doméstico que visita con frecuencia a zapatería e de quen o seducen a súa independencia e desenvoltura. Ambos comezan un romance que se ve truncado polo choque coa súa realidade cotiá.

Inédita en España, a ópera prima de Paulo Rocha, filmada nun esplendoroso branco e negro, é a punta de lanza do novo cinema luso. «O mellor cinema portugués é herdeiro de Paulo Rocha» (João Bénard da Costa).

Presenta a cineasta Anxos Fazáns | 4 de xaneiro