A obra máis recordada do cineasta arxentino Raymundo Gleyzer, secuestrado e desaparecido en 1976, está protagonizada por un militante sindical que comeza a súa loita nas filas peronistas durante os 60 e se corrompe no seu ascenso ao poder. Unha obra moi combativa que mestura documental e ficción para criticar as estruturas de poder na Arxentina da época.

A sesión inclúese no evento internacional "Sembrando a Raymundo", que recorda o cineasta Raymundo Gleyzer no 50 aniversario da súa desaparición a mans da ditadura militar.