Dentro das xornadas "As últimas execucións da ditadura franquista: 50 anos", organizadas por "España en Libertad. 50 años" e Grupo HISTAGRA-CISPAC-USC", o Cinema NUMAX acolle a proxección do documental "Septiembre del 75" e a curtametraxe "Expediente". Ao remate haberá un coloquio co público asistente.

Septiembre del 75
Adolfo Dufour | 95 min | 2009 
Flor, a irmá de Xosé Humberto Baena, prosegue a incansable loita que levaron a cabos seus pais até a fin dos seus días: reivindicar a inocencia e a memoria do seu irmán. Baena era militante do FRAP e morreu fusilado o 27 de setembro de 1975 tras un Consello de Guerra sumarísimo. Fora acusado do atentado que matou o policía Lucio Rodríguez. No proceso non se presentaron probas materiais nin houbo testemuña algunha. Xosé Humberto sempre mantivo ante a súa familia que era inocente.

Expediente
Manuel R. Coronado / Carlos Rodríguez | 15 min | 1977
Película rodada en clandestinidade durante o franquismo que sintetiza a ditadura, a través dos documentos e o expediente dos últimos fusilamentos franquistas.